Sindikatuaren arabera, epai horrek atea zabaldu dezake EAEn langile publikoek Mariano Rajoyren gobernuak ordainsari hori ezabatzeko errege dekretua onartu aurretik sortu zuten Gabonetako ordainsaria berreskura dezaten. Euskadiko CCOO aztertzen ari da epailearen ebazpenari errekurtsoa jartzea, "helegitea bere osotasunean onar dezan eta iazko Gabonetako ordainsari osoa berreskura dezaten".
Josu Erkoreka Eusko Jaurlaritzako bozeramaileak azaldu du gobernuak ez duela oztoporik jarriko epaia betetzeko. Izan ere, Bilboko Metroko administrazio kontseiluko kidea da Jaurlaritza. "Gobernua ebazpena betetzearen alde dago, eta babestu egingo du". Hala ere, Erkorekak gaineratu du epai horrek ez diela eragiten EAEko administrazio publikoko langieei, "erregimena eta jorratu beharreko bideak ezberdinak direlako".
Espainiako Auzitegi Konstituzionalean dago Araba, Bizkaia eta Gipuzkoako funtzionarien gabonetako ordainsariaren auzia. Auzitegiak joan den apirilaren 29an berretsi zuen gabonetako ordainsariaren ezabaketa, Eusko Jaurlaritzak ordainketa hori egin dezakeen edo Madrilgo dekretua bete beharra duen sakonagu aztertu bitartean.
