Billabesen eta taxien BEZa atzeratu dute Nafarroan

IRUÑEA. Iruñerriko autobus zerbitzu publikoak —billabesak— eta Nafarroako taxiek 2013tik aurrera aplikatuko dute BEZaren igoera. Berez, etzitik aurrera %8tik %10era igo behar zuten balio erantsiaren gaineko zerga. Nafarroako Gobernuak esan du autobusetan aldaketa «korapilatsua» delako eta taxietan garestia delako atzeratuko dutela. Herri arteko garraioan aplikatuko dute.