Ikustekoa zen, urtearen zati handi batean inflazio negatiboak agindu duenez, berera eramango zuela 2015. urtea, baina ez. Azkenean, askorik ez den arren, prezioak garestitu egin dira Hego Euskal Herrian: %0,2. Bi dezima horiek apenas diren gai prezioen eboluzioa laua izan dela esatea saihesteko.
Inflazioak ez du jarrera berdin-berdina izan, hala ere, lurralde guztietan. Prezioak gehien igo diren lurraldea Gipuzkoa da lau dezimarekin. Araban %0,3 igo dira, eta Bizkaian %0,2. Nafarroa da inflazio negatiboarekin bukatu duen bakarra, urte batetik bestera prezioak merkatu direla erakusten duen bakarra alegia. -%0,1 merkatu dira, izan ere, kasik ezer ez.
Alegia KPIaren zenbaki horiekin esan daitekeena da 2015ak kasik ez duela aldaketarik izan kontsumoaren salneurriei begira. Elikagaiak eta edariak (%2,3), tabakoa eta alkoholdun edariak (%1), botikak (%0,9), jatetxeak eta hoelak (%0,8), irakaskuntza (%0,6), komukinazioak (%0,5) eta jantzi eta oinekoak (%0,3) igo dira 2015ean.
Merkatu direnen artean, berriz, etxebizitza eta garraioak —petrolio merkearen eragin garbia— daude.
