Bost urtean salmentak bikoiztu nahi ditu ITPk

ZAMUDIO. Iaz 479 milioi euroren salmentak erdietsi zituen Bizkaiko ITP Industria de Turbo Propulsores enpresak. Hala ere, bost urte barru bikoitza saltzea jarri du helburutzat; 2015ean 1.000 milioi euroren salmentak egitea, hain zuzen. Horretarako, 500 milioi euroren inbertsioak egitea aurreikusten du: 350 milioi euro teknologien etaproduktuen I+G+Bra bideratuko ditu, eta beste 150 milioi euro ekoizpen gaitasuna handitzera.