Donostiako auzitegi batek CAF zigortu du, Asviamie amiantoaren biktimen EAEko elkarteak jakinarazi duenez. "Sententziak garbi erakusten du CAFen prebentziorako planen porrota". Sententziak 1940 eta 1984 arteko legeak barne hartu dituela jakinarazi du Asviamiek, baita gerora egindakoak ere. Ia 40 urtez egin zuen beharginak lan amiantoarekin kontaktuan.
Elkarteak amiantoaren biktimentzako konpentsazio funtsa osatzera deitu ditu enpresariak eta legebiltzarkideak. Eta horrez gain, amiantoarekin lan egiteagatik gaixotutakoei eta haien senideei esan die ez amore emateko euren "eskaera bidezkoetan".
