Carrefourrek Greziatik joatea erabaki du

PARIS. Carrefourrek Grezia utziko du, Europako hegoaldean dauzkan arriskuak gutxitzeko, banaketa multinazionalaren esanetan. Grezia uzteagatik 220 milioi euro ordaindu beharko dizkio herrialde hartan daukan bazkideari, Marinopulos enpresari. Marinopulosen esku geratuko dira hipermerkatuak. Iaz Carrefourrek Grezian lortu zituen diru sarreren %2,7 (2.500 milioi euro inguru), 2010ean baino %8,1 gutxiago.