Arabako bi lantegiak ixteko eta 358 langile kaleratzeko erregulazio eskaera baliogabea zela ebatzi zuen 2012an EAEko Justizia Auzitegi Nagusiak, eta Celsa Atlanticek (lehengo Laminaciones Arregui) helegitea aurkeztu zuen horren aurka. Uztailean, EAEko epaitegiaren erabaki hori berretsi zuen Gorenak, eta horren arabera, berriz hartu beharko lituzke kaleratuak.
Langileek, ordea, Eusko Jaurlaritzaren "pasibotasuna" salatu dute, eta gaineratu dute zuzendaritza ez dagoela prest negoziazio prozesu bat hasteko. Horrek "behartu" egin ditu mobilizazioak hastera: ostegunetan bilduko dira Gasteizko Bilbo plazan, 19:00etan.
