Gasteizko Ceplastik enpresako 119 langileek mobilizazioak hasiko dituzte bihar, enpresak egin duen enplegu erregulazio espedientearen aurka eta zor zaizkien soldatak kobratzearen alde. Izan ere, enpresak abenduko soldata, abenduko sari gainsaria eta kontratua kitatzeko saria ez dutela kobratuko jakinarazi die langileei.
Azaroaren 26an amaitu zen erregulazio espedientearen kontsulta epea, eta akordiorik gabe itxi zuen enpresak, gaur langile batzordeak jakinarazi duenez. Protestak bihar abiatuko dituzte Gasteizeko lantegiaren atarian. Hilaren 9an Bilbon egingo dute bilkura, eta 10ean manifestazioa egingo dute Gasteizen.
EKONOMIA
Ceplastikeko langileek mobilizazioak hasiko dituzte bihar
Enpresak enplegu erregulazio espedientea zabaldu die 119 langileei, eta proposamen horren aurka eta zor zaizkien soldatak kobratzearen alde egingo dute protesta.
Iruzkinak
Ez dago iruzkinik
Ordenatu
