ELAk, LABek eta EAEko CCOOk idazkari nagusiak aldatu dituzte azkeneko hilabeteetan (Adolfo Muñoz, Ainhoa Etxaide eta Unai Sordo dira orain arduradunak, hurrenez hurren), baina EAEko UGTko ez du kargu hori berritzeko asmorik, gaur jakinarazi duenez. Maiatzaren 21ean eta 22an batzarra egingo du, Gasteizen, eta Damaso Casado gaurko idazkari nagusia kargurako aurkeztuko da.
Lantokietako segurtasuna, elkarrizketa soziala, langabeentzako politikak, enplegu politikak... gaiak jorratuko dituzte.
Batzarraren hasieran Patxi Lopez (PSE-EE) Eusko Jaurlaritzako lehendakariak hitzaldia egingo du. Hamargarren kongresua egingo du UGTk eta 300 ordezkarik hartuko dute parte -221 gizonezkok eta 79 emakumezkok-.
Sindikatuak Araban, Bizkaian eta Gipuzkoan 43.113 afiliatu dituela adierazi du, iaz baino %7 gehiago. 30.000 afiliatu gizonezkoak dira, besteak emakumezkoak.
EkoNOMIA
Damaso Casadok EAEko UGTko idazkari nagusi izaten segitu nahi du
Sindikatuak batzarra egingo du maiatzaren 21ean eta 22an.
Iruzkinak
Ez dago iruzkinik
Ordenatu
