Datorren astean irekiko dute Irungo AIT zerbitzua

IRUN. Urnieta eta Irungo ibilgailuen azterketa teknikoko zerbitzuguneak kudeatzen dituen enpresak, TUV Rheinlandek, Irungo gunea gaur zabalduko zuela jakinarazi zuen herenegun. Azkenean, ordea, datorren astean irekitzea erabaki du Precoren gomendioz. Langileei akordioa egiteko «azken aukera» emango die hala. Sei hilabete daramatzate greban langileek.