De Guindos: «Erreformek ez dute zerikusirik mozketekin»

Espainiako Gobernuak iragarri du hilabetea amaitu baino lehen erreforma plana berraztertu eta jakinaraziko duela. Atzo, Luis de Guindos Ekonomia ministroak ziurtatu zuen plan horren helburua ez dela gastu publikoa gehiago jaistea: «Erreformek ez dute zerikusirik murrizketekin». Beharrezkoa balitz defizit helburua betetzeko neurri gehiago hartzeko prest dagoela esan zien De Guindosek euroguneko ordezkariei, baina BEZaren igoerari esker halakorik egin behar ez izatea espero du. «Uztailaren erdian neurriak hartu ziren. Uste dut neurri horiek aski direla aurrekontu ikuspuntu batetik ditugun konpromisoak betetzeko». Erreforma berriekin hazkundea sustatuko dela esan zuen ministroak.