EAEko industrian 24.000 postu galdu ziren 2009an

GASTEIZ. Araba, Bizkai eta Gipuzkoako industria enpresen 2009ko jarduerari buruzko datuak eman ditu Eustatek. 24.000 lanpostu galdu ziren, eta bi azpisektore soilik izan ziren gai langile kopurua gehitzeko: farmazia enpresetan %0,8 langile gehiago aritu ziren, eta petrolio findegietan, %3,9 gehiago. Era berean, 2008arekin konparatuta, %25 murriztu zen haien negozioa.