Espainiako Auzitegi Konstituzionalak erabakia ematerakoan ez du aztertu Espainiako Gobernuaren eta Jaurlaritzaren artean dagoen eskuduntza auzia, langile publikoen gainsaria dela-eta sortutakoa, eta ez da aztertzera sartu ere erabakia konstituzioaren kontrakoa den. Esaten duenez, "Espainiako politika ekonomikoaren beharrezko koherentziaren kontra" joko luke gainsaria bertan behera uzteko erabakia aldatzeak.
Mariano Rajoyren gobernuak 2012an dekretuz onartu zuen langile publikoei Eguberrietako gainsaria kentzeko erabakia, eta PSEk, Jaurlaritzaren agintaldiaren azken txanpan zela, gainsaria ordaintzeko agindua eman zuen. Espainiako Gobernuak orduan aurkeztu zuen eskuduntzen auzia konstituzionalean, eta auzitegiak tramiterako onartu zuenean gainsariaren ordainketa etenda geratu zen.
