Bilerak Gasteizen, Bilbon eta Donostian egin dituzte, sindikatuko afiliatuen parte hartze "garrantzitsu" batekin. ELAren arabera, Jaurlaritzak sindikatuekin izenpetutako akordioak ez die lanpostua bermatzen oinarrizko errentaren programako 38 langileei.
Era berean, akordioaren edukiak "hobetzeko tartea" dagoela iritzita, LAB, CCOO eta UGTk hitzarmena sinatu izana deitoratu du ELAk: "Gobernuaren posizioetan aurrerapausoak egon direla ikusita ere, akordioak ez die irtenbiderik ematen oinarrizko aldarrikapenei ere".
Akordioak "soldata eskala bikoitza berresten" duela kritikatu du ELAk. Gainera, "lanpostu zerrenda aldebakarrez onartu izanak, egitez ezinezko egin zuen tokiko bulegoetako dotazioak mantentzeko aukera edota lanpostu bakoitzean burututako funtzioei egokitutako soldata mailak ezartzea".
Sindikatuak ohartarazi du akordioaren kudeaketa "presaka" eta modu "inprobisatuan" egiten ari direla eta horrek Lanbideko zenbait bulegotan "antolakuntza kaos garrantzitsua" eragin dezakeela hurrengo egunetan.
