Elkarretaratzea, Debako lan istripua salatzeko

DONOSTIA. Euskal gehiengo sindikalak elkarretaratzea egingo du, herenegun Deban izandako lan istripua salatzeko. Garraiolari bat zendu zen, gidatzen zihoan kamioia errepidetik aterata. Protesta astearte eguerdian izango da, Itziarren, A-8 autobidera sartzeko biribilgunean. «Istripuen atzean, oinarrizko eskubiderik gabe diharduen sektore oso baten errealitatea dago», esan dute.