Navaleko langileek (Sestao, Bizkaia) martxa bat eta elkarretaratzea egin dituzte gaur, enpresarentzako lan karga eskatzeko mobilizazioen harira. Sestaotik Erandiora joan dira oinez, 09:15etik aurrera; horren aurretik, batzar informatiboa egin dute. Murueta itsasontzi enpresaraino joan dira, eta ondoren egin dute elkarretaratzea.
Ostegunean beste elkarretaratze bat egingo dute, Administrazio Kontseiluak bilera egingo duela eta; 08:30ean izango da.
Jose Luis Bilbao Bizkaiko ahaldun nagusiarekin bilera eskatu du enpresa batzordeak, ontziolaren egoeraz hitz egiteko.
