Emaitzak

•Huts egin dute. Greziako ATEk izan du emaitzarik txarrena, egoerarik okerrenean bere kapitala %0,5ekoa izango litzatekeelako. Halaber, huts egin dute honako hauek: Herrialde Katalanetako Catalunya Caixa, Unnim, Caja Mediterraneo, Galiziako Banco Pastor, Espainiako Caja3, Greziako Eurobank EFG eta Austriako Volksbanken. Alemaniako Helaba kutxa publikoak ere ez zuen kapitalaren gutxienekoa lortu, baina azterketa uztea erabaki zuen.

•Gainditu dute. Aztertutako 90 banku eta kutxetatik 82k gainditu dute, haien artean Euskal Herrian egoitza osorik edo partzialki duten guztiek. Hori bai, beste hamabi erakundek ozta-ozta gainditu dute azterketa, %5 eta %6 arteko kapitala baitute. Haien artean dago Banca Civica.