Emakumeak, atakan
Gizonen aldean gutxi irabazten dute emakume pentsiodunek. Haietako askok senideen laguntza ezinbesteko dute aurrera egin ahal izateko.
Batez besteko pentsioa da 876,42 euro. Gizonezkoek kobratzen dutenak altxatzen du kopurua, emakumeena soilik kontuan hartuz gero, dezente txikiagoa litzatekeelako. Gipuzkoako pentsiodunen elkarteak salatu du egoera oso larrian daudela Hego Euskal Herriko emakume pentsiodunak. Aurrera egin ahal izateko, seme-alaben edo senideen laguntza ezinbestekoa da askorentzat. «Lehendik ere jornal txikiagoarekin hartzen dugu erretiroa, eta orain izoztu egiten badigute, akabo», diote. Alarguntasun pentsioak gaur egun %52koak dira. Emakumeen egoera hobetu ahal izateko, horiek gutxienez %70era igotzeko eskatu du elkarteak. Kotizatu ez duten emakumeei ere pentsioa bermatu behar zaiela gaineratu du.
Iruzkinak
Ez dago iruzkinik
Ordenatu
