Lan munduan ere higatzen ari dira emakumeen eta gizonen arteko ezberdintasunak. Hala jakinarazi du NBE Nazio Batuen Erakundeak "Giza garapenaren zerbitzurako lana" izenburupean gaur goizean plazaratutako txostenak. Haren hitzetan, mundu osoko enpresetako zuzendaritza postuen %25 daude soilik emakumeen esku, eta enpresen %32 inguruk ez dute emakumerik goi karguetan.
Soldatapeko lanak lortzeko mugak
Emakumeek batez beste gizonezkoek baino %24 gutxiago kobratzen dute beharrean aritzeagatik, munduko merkatuari egiten dioten ekarpena %52koa bada ere. Emakumeak, oro har, baldintza okerragoetan egiten dute lan, NBEk esplikatu duenez: izan diruz ordaindutako lanetan, izan ordaindu gabeko lanetan.
Hain justu, ordaindu gabeko lan gehientsuenak emakumeek egiten dituztela dio NBEk, "alde handiarekin", eta mugak dituztela soldatapeko lanak lortzeko. NBEk neurriak galdegin ditu desoreka horiei aurre egiteko.
