EROSKIREN KARGAGAILU ELEKTRIKOAK

Eroskiren bost saltegitan bina puntu egongo dira ibilgailu elektrikoak kargatu ahal izateko. Eroskik eta Ibilek (EEE eta Repsol) atzo erakutsi zituzten lehenak, Salburuko supermerkatuan, Gasteizen. Gainerako zortzi puntuak Bilbon (Indautxun eta Boluetan), Barakaldon (BECen) eta Donostian (Arcco Amaran) egongo dira. Kargagailu horiek erabili ahal izango dituzte, bai Eroskik —Mercedes Vito E-Cell furgoneta elektrikoak erabiliko ditu banaketarako—, bai supermerkatuetara joaten diren bezeroek ere. Zerbitzua doan emango dute. Hori bai, zerbitzua erabili ahal izateko beharrezkoa da txartel bat.