ERREGEEN IKATZA, LANBIDERENTZAT

Ohi baino bi egun lehenago iritsi dira Erregeak Bilbora, Bizkaiko hainbat gizarte eragilek espresuki deituta. Zuzenean, Lanbidek Mazarredo kalean duen bulegora jo dute, eta ikatzez betetako hainbat zaku utzi dizkiete Javier Ramos Lanbideko buruari eta Javier Ruiz Enpleguko kontseilariordeari.Ekintza horrekin, salatu nahi izan dute Lanbidek gizarte laguntzen banaketa bere gain hartu izanak «kaosa» sortu duela, eta Bizkaian mila familia laguntzak jaso gabe geratu direla.