Kontratuak aldi baterako eteteko izan dira 43 espediente; lanaldia murrizteko 30; eta gainerako biak, langileak kaleratzeko. Azken horiek 46 langileri eragin diete, eta gainerakoek 757ri. Sektoreka, zerbitzuetan izan dira espedienteen %46; industrian %41 eta eraikuntzan %13. Nekazaritzan, berriz, batere ez.
Urtarrilaren aldean, %21 gutxiago dira Enplegu eta Gizarte Sailak sinatutako espedienteak, eta iazko otsailaren aldean, %53 gutxiago.
Gaur egun 705 espediente daude indarrean Araba, Bizkai eta Gipuzkoan, eta 7.785 langileri eragiten diete. Hamarretik zortzi aurreko dosier baten jarraipena dira. Arabako Lautada, Bilbo Handia eta Donostia aldea dira gehien kaltetutako eskualdeak.
