ESNE EKOIZLEEN HASERREA KARRIKAN

ELBk deiturik, behi esne ekoizleek beren haserrea erakutsi zuten atzo Baionako karriketan. Abantzu oren batez Baionako karriketan ibili ziren, esnea biltzen duten bi kamioi eskuratu ondoren. Behi esne ekoizleek ordaintzen dieten prezioa apalegia dela salatu dute. FDSEA sindikatuak eta banatzaileek lorturiko akordioa ez dela aski salatu du ELBk. Behi esnearen prezioa emendatzen ez baldin bada, urtea bukatu aitzin hainbat etxalde gelditu beharko direla salatu du ELBk.