Espainiak 4.880 milioiren zorra saldu du, merkeago

MADRIL. Standard & Poors rating agentziak zorraren kalifikazioa bi koska jaitsi izanak ez dio askorik eragin Espainiari. Atzo, hango altxorrak 12 eta 18 hilabetean itzultzeko 4.880 milioi euroren zor bonuak jarri zituen salgai, eta inbertitzaileek ongi erantzun zuten. Duela hilabeteko enkantean eskatutako interesaren erdia eskatu zioten: %2,04koa batez beste.