Espainiako Gobernuak Caja Castilla-La Manchan 9.000 milioi euro sartu ditu aurrezki kutxa erreskatatzeko asmoz. Aurrezki kutxa horrek Unicajarekin bat egiteko asmoa zuen, baina azkenean nahi horrek porrot egin du. 9.000 milioi euroko esku-hartzea, Gaztela eta Mantxako aurrezki kutxaren bezeroen aurrezkiak eta hartzekodunen eskubideak bermatu ahal izateko helburuz egin dute. Caja Castilla-La Manchak inbertsio garrantzitsuak ditu Araba, Bizkaia eta Gipuzkoan.
Espainiako Gobernuko Ministroen Kontseiluak ezohiko bilera egin zuen atzo eta, bertan, Espainiako Bankuari Caja Castilla-La Mancharen erreskatea finantzatzeko abala eman zioten.
2003. urtean Espainiako Gobernuak Eurobank erreskatatu zuenetik banketxe batean esku-hartzen duen lehenengo aldia da. Haren esku-hartzerik handiena 1993an egin zuen, Banesto bankua erreskatatu zuenean.
ekonomia
Espainiako Gobernuak 9.000 milioi euro sartu ditu Caja Castilla-La Manchan
Gaztela eta Mantxako aurrezki kutxaren bezeroen aurrezkiak eta hartzekodunen eskubideak bermatu ahal izateko asmoz egin dute esku-hartzea.
Iruzkinak
Ez dago iruzkinik
Ordenatu
