Espainiako meatzariek greba hasi dute

OVIEDO. Asturias, Leon eta Palentziako ikatz meategietako langileek lau greba egunetako lehena egin zuten atzo. Meatzariek manifestazioak egin zituzten eta hainbat errepide itxi zituzten, Espainiako Gobernuak ikatzari ematen dizkion diru laguntzak %60 txikitu nahi dituela salatzeko. Murrizketa horiek meategi gehienak ixtera kondenatuko dituztela salatu dute meatzarien sindikatuek.