Espainiaren erreskatea irailaren erdian izango da, Goldmanen arabera

Goldman Sachs inbertsio bankuak uste du Espainiako Gobernuak irailaren erdian eskatuko diola erreskatea Europako Batasunari, EFSF behin-behineko erreskate funtsaren bitartez, Europako Banku Zentralaren (EBZ) irailaren 6ko bileraren ondoren. Goldmanek espero du EBZk orduan jakinaraziko dituela herrialdeen zorra erosteko baldintzak, eta Espainiako Gobernua horren zain dago erreskatea eskatu edo ez erabakitzeko. Goldmanek gehitu du irailaren erdialdean egingo direla eurotaldearen eta Ecofinen bilerak eta Espainiak 24.000 milioi euro bueltatu behar dituela urrian.