Krisiak ekarri duen ondorio positibo bakar horietako bat etxebizitzen prezioari buruzkoa da. INE estatistika erakundeak gaur emandako datuen arabera, iaz ere eutsi egin zion beheranzko joerak. Araba, Bizkai eta Gipuzkoan, batez beste, %15,1 murriztu ziren prezioak; eta Nafarroan, %14. Jaitsiera bigarren eskuko etxeetan igarri zen batez ere, %15,3 merkatu ziren Araba, Bizkai eta Gipuzkoan; eta %14,4 Nafarroan. Etxe berrietan, hurrenez hurren, %9,9 eta %8koa izan zen jaitsiera.
Espainiako Sustapen Sailaren arabera, metro koadroa 2.500 euroren bueltan dabil Araba, Bizkai eta Gipuzkoan, eta ia prezioa erdian, 1.382an euroan, Nafarroan. 2011 amaieran, 16.539 etxeko stock-a zegoen Hego Euskal Herrian.
