Etxezarretaren kaleratzea bidegabea izan zen

BILBO. Orain dela hamahiru urte atxilotu egin zuten Joseba Etxezarreta Telefonicako langilea. Zigorra bete ostean, berriz itzuli zen enpresara. Telefonicak, ordea, kaleratu egin zuela jakinarazi zion, lanpostua bere borondatez utzi zuela argudiatuta. Epaileak arrazoi eman dio Etxezarretari, eta esan du lanpostua ez zuela bere borondatez utzi. LABek berehala berriro hartzeko eskatu dio Telefonicari, «are gehiago sententziaren berri izanda».