Euroguneko ekoizpenaren prezioa nabarmen igo da

bruselaEkoizpenaren prezioa nabarmen igo da Europan ekainean. Iazko ekaineko datuekin alderatuta, %8 igo da ekoizpenaren prezioa Eurogunean; eta %10,1, Europako Batasunean (EB), Eurostat Europako estatistika bulegoak jakinarazi duenez. Maiatzetik ekainera, berriz, %0,9 igo dira prezioak Euroguneko 15 estatuetan; eta %1,2, EBn. Hazkunde hori energiaren gastuen ondorioz izan dela dio Eurostatek. Ekainean %2,7 egin zuten gora energiaren prezioek; eta urtebetean, berriz, %21,4. Adituen arabera, abuztuaren amaieran inflazioa jaisten joango da, petrolioaren prezioak gora egiten ez duen bitartean.