Europak emakume gehiago nahi ditu zuzendaritzetan

BRUSELA. Europako Legebiltzarrak 2012tik aurrera enpresetako zuzendaritzetan emakume gehiago egotea nahi du. Kuotak ezartzeko eskatu dio Europako Batzordeari, emakume gehiago egoteko borondatezko neurriek huts egiten badute. Europako Legebiltzarrak kuotak zehaztu ditu: %30 2015ean eta %40 2020an. Osoko bilkurak onartu zuen eskaera, atzo, Bruselan.