Europako Batasunean iaz Espainiako Estatuan hazi zen gehien langabezia

Europako Batasunean (EB) iaz Espainiako Estatuan hazi zen gehien langabezia. %8,7tik %14,4ra pasatu zen beharrik gabekoen kopurua Espainian. EBko euroaren eremuan iaz %8koa izan zen langabezia eta EB osoan %7,4koa. Datu horiek Eurostat estatistika erakundeak jakinarazi ditu.

Gazteen arteko langabezia tasan Espainiako Estatua doa buru (%29,5), baita gizonezkoen (%13,7) eta emakumezkoen (%15,3) arloetan ere. Horretaz gain, pasa den abenduan zazpi dezima igo zen langabezia Espainiako Estatuan, EBko euroaren eremuan eta EB osoan, aldiz, dezima bakarra.

Honakoa izan zen 2008ko langabezia tasa EBko estatu kide bakoitzean (biztanleria aktiboaren ehunekoa):

- Herbehereak 2,7.

- Austria 3,9.

- Zipre 4,2.

- Eslovenia 4,3.

- Danimarka 4,5.

- Txekiar Errepublika 4,7.

- Luxenburgo 4,8.

- Bulgaria 5,4.

- Malta 5,7.

- Errumania 5,8 (2008ko hirugarren hiruhilekoa).

- Erresuma Batua 6,1.

- Polonia 6,1.

- Finlandia 6,5.

- Italia 6,7 (2008ko urria).

- Suitza 6,9.

- Belgika 7,1.

- Alemania 7,2.

- Grezia 7,5 (2008ko hirugarren hiruhilekoa).

- Frantzia 7,9.

- Portugal 7,9.

- Lituania 8,0.

- Irlanda 8,2.

- Hungaria 8,5.

- Estonia 9,2.

- Eslovakia 9,4.

- Letonia 10,4.

- Espainia 14,4.

Iaz, langabeziak bederatzi estatutan behera egin zuen, hamalautan hazi egin zen eta lautan ez zuen aldaketarik izan.