Boliviako presidente Evo Moralesek gaur jakinarazi duenez, Red Electrica Internacional enpresak Transportadora de Electricidad (TDE) etxean dituen akzioak nazionalizatu ditu, dekretu bidez. Red Electrica Españolaren filiala da Internacional, eta 2002an TDEren %99,94 erosi zuen.
Moralesek jakinarazi duenez, armadari TDEren instalakuntzak hartzeko agindu dio. Argudiatu du Boliviako presidenteak langileen eta Boliviako herriaren aitorpena dela erabakia. Nazionalizatutako akzioak Boliviako Elektrizitate Enpresa Nazionalaren esku geratuko dira (ENDE).
Gaineratu du Moralesek Boliviako enpresa estrategikoen kontrola berreskuratzeko bidean hartutako erabakia dela. "Iritzi publikoak jakin dezan, enpresa hori lehen gurea zen, eta gurea zena nazionalizatzen ari gara", adierazi du.
