Familien zorra.

Espainiako familien zorra 845.479 milioi eurokoa izan da abuztuan, iaz baino %3,8 gutxiago. 2007ko uztailetik diru kopuru txikiena da, Espainiako Bankuak jakinarazi duenez. Kopuru osoaren zatirik handiena, %77, etxebizitza erosteko maileguei dagokie, 649.856 milioi euro. Azken urtean etxebizitza erosteko maileguek %3,2 egin dute behera. Beste helburu batzuekin eskatzen diren maileguak, berriz, iaz baino %5 gutxiago dira, denetara 192.813 milioi euro. Enpresei dagokienez, 1,208 bilioi euroko zorra dute abuztuko datuei begira. Aurreko urtean 1.262 bilioikoa zen. 2007ko azarotik ez da egon hain maila txikian.