Eusko Jaurlaritzak esan du borondatea ikusten duela finantza erakundeetan "desjabetzeen drama saihesteko". Jaurlaritza 14 erakunderekin bildu da gaur, desjabetzeen inguruan prestatzen ari den plana aurkezteko.
Helburu nagusia da lanik gabe daudenentzat edo kreditua ordaintzeko arazoak dituztenentzat hipoteka berriz negoziatzeko formulak bilatzea.
Gobernuaren eta erakundeen arteko elkarlanaren berri "datozen egunetan" emango dute. Jaurlaritzak, gainera, zailtasun ekonomikoak dituzten familiak aholkatzeko zerbitzu bat jarri nahi du martxan.
Bileran egon diren erakundeen artean daude Kutxabank, Euskadiko Kutxa, Iparkutxa, Nafarroako Rural Kutxa, BBVA, Bankoa, CAN, Banca, Banesto, Sabadell, Banco Pastor, Banco Popular, Ibercaja, Nova Galicia, Bankia eta Caixabank.
