Fordek iaz baino %22 gehiago irabazi du

WASHINGTON. Lehen hiruhilekoan, 2.551 milioi dolar —1.743 milioi euro— irabazi ditu Ford autogileak, iaz baino %22,3 gehiago. Hamahiru urtean lortutako emaitzarik onenak dira. Ipar Ameriketan lortutako emaitzek eta konpainiaren auto elektrikoaren arrakastak eragin dute irabazien gorakada. Urte amaitu bitartean, iazko salmenta kopurua mantentzea jarri du helburutzat.