Frantziako presidente Nicolas Sarkozyk gobernuaren premiazko bilerara deitu du, Standard&Poor's kalifikazio agentziak herrialdearen kreditu kalifikazioa AAA mailatik AA+ mailara jaitsi ostean. Neurri berean zigortu du S&Pk Austria. Frantziako Ekonomia ministro François Baroinek, dena den, neurri hori ez dela "katastrofea" esan du.
Espainiako kalifikazioa, berriz, bi maila jaitsiko du S&Pk, eta A mailan utzi. Italiakoa maila bat beherago utzi du, BBB+. Eta Portugalgoa are beherago, BB mailan.
Erabaki horiekin, Europako erreskate funtsa (440.000 milioi eurokoa) arriskuan jarri du Standard&Poor's kalifikazio agentziak.
