Gamesak 65 milioi euro irabazi ditu aurtengo lehen sei hilabeteetan

Urtarriletik ekainera 65 milioi euroko irabazi garbiak lortu ditu Gamesak. Emaitzak bi ikuspuntutatik begira daitezke. Batetik, iaz epe berean baino %67,17 gutxiago irabazi duela esan daiteke, orduan 80 milioi euro poltsikoratu baitzituen. Baina orduan adina irabazi duela ere esan daiteke. Izan ere, iaz epe horretan eguzki atala saldu zuen 104 milioi euroren truke, eta hori kontuan izanda lortu zuen 80 milioi euroko etekin garbi hori.

Datozen urteei begira, enpresaren aurreikuspenek «sendo» jarraitzen dutela adierazi du zuzendaritzak, eta hazkunde handia izango dutela uste du.