Garraiolariak bildu ditu osasun zentimoaren aurkako protestak

Aspaldiko partez, Araba, Bizkai eta Gipuzkoako garraiolarien elkarteak batu egin dira protesta batean. Osasun gastuak pagatzeko erregai litroari zentimo bateko zerga ezarri nahi izatea salatu dute kamioilariek. Proposamena Eusko Jaurlaritzak egin die foru aldundiei, eta, horregatik, gobernu horren egoitza inguratu zuten 35 kamioik, atzo goizean. Hiru autonomoen sindikatuak, Euskadiko Garraio Kooperatiben Federazioak, EGAS Arabako Garraio Elkarteak eta Guitrans Gipuzkoako patronalak deitu zuten protestara. Haien izenean, Estitxu Ugarte Hiruko bozeramaileak ziurtatu du osasunerako zentimoaren zerga ez dela bidezkoa, garraiolariek osasun zerbitzuengatik bi aldiz pagatzea da­karrelako. Gainera, aipatu du Europako legediaren aurkakoa dela.