Gasolio litroa aurtengo preziorik altuenean dago

DONOSTIA. Hidrokarburoen Europako txostenaren arabera, gasolio litroa %0,73 garestitu da astebetean, eta, dagoeneko, 1,103 eurotan saltzen da, aurtengo maximoetan. Gasolina, berriz, %0,17 merkatu da, eta litroa 1,171 euroan dago. Urte hasieratik, gehien erabiltzen den erregaiaren salneurria, 95 oktanoko gasolina, %7,43 garestitu da; gasolio litroa, berriz, %11,75 igo da.