Gasteizko auzitegi batek Caballitoko zuzendaritza zigortu du, greba eskubidea urratzeagatik

Caballitoko zuzendaritzak ez duela greba eskubidea errespetatu argudiatuz zigorra jarri dio enpresako zuzendaritzari Gasteizko auzitegi batek. Izan ere, zuzendaritzak zortzi hilabetez greban dauden langileen postuetan ordezkoak jarri ditu. Epaitegiak gaineratu duenez, Langile Batzordeari lantegira sartzea "zaildu eta galerazi" egin dio zuzendaritzak. Beraz, jarrera hori baztertu eta eteteko agindua eman dio auzitegiak zuzendaritzari.