Gasteizko Epaitegiak Michelin enpresari agindu dio amiantoagatik hil zen langile baten familiari 165.000 euroko kalte-ordaina ematea. Francisco Javier Martinez 2008an hil zen.
CCOO sindikatuak adierazi du Martinezen alargunak hainbat auzi eske aurkeztu zituela, eta horien ondorioz, epaitegiak bi erabaki hartu dituela. 165.000 euro ordaintzeaz gain, gaixotasunagatik jasotako Gizarte Segurantzaren zerbitzuen %50 ordaintzera behartu du enpresa.
Martinez 2007ko urrian gaixotu zen, minbizia baten ondorioz, eta 2008ko azaroan hil zen. Enpresak ukatu egin zuen amiantoa arnasteagatik hil zela, baina bost hilabete geroago egiaztatu zuten hainbat tuberiatan amianto arrastoak zeudela. EAEko Justizia Auzitegi Nagusiak baieztatu zuen amiantoa arnasteagatik hil zela Martinez.
