Banca Civicako eta Caixabankeko administrazio kontseiluek ezohiko batzarrak dituzte gaur, eta horietan, bien arteko fusioa izango dute aztergai. Batzarrak amaitu ondoren emango dituzte bat egitearen inguruko argibideak. Banca Civicako kontseilua 17:00etan bilduko da; Caixabankekoa, berriz, ordu erdi geroago.
CNMV Balore Merkatuaren Espainiako Batzordeak Banca Civicako eta Caixabankeko tituluen kotizazioa eten du, fusioa iragarri dezaketela aurreikusita.
Bi kontseiluek bat egiterako proposamena onartzea espero da.
Nafarroako aurrezki kutxa da Banca Civicako erakundeetako bat —Cajasol, Caja Canarias eta Caja Burgos dira besteak—.
Pasa den astean jakin zen Euskadiko Kutxak eta Ipar Kutxak bat egitea abiatu dutela. Araba, Bizkai eta Gipuzkoako aurrezki kutxen Kutxabank urte honetan hasieratik martxan da.
