14:30 aldera abisu bat jaso dute Eusko Jaurlaritzako larrialdi zerbitzuek, ohartaraziz pertsona batek istripu bat izan duela traktorearekin, Foruan.
79 urteko gizonezko bat harrapatuta geratu da traktore baten azpian, Gaitoka auzoko baratze gune batean. Bertara joan dira Ertzaintza, Suhiltzaileak eta larrialdi zerbitzuak, eta traktore azpitik atera dute gizona. Sendagileek, ordea, ezin izan dute onera ekarri, eta hil egin da.
