Hiru hilabetez izan duen goranzko joera eten du urte arteko inflazioak, eta hiru hamarren jaitsi da uztailetik (%2,1) abuztura (%1,8). Erregaiek zerikusi handia izan dute jaitsiera horretan, iaz baino gutxiago garestitu direlako.
INEk zabaldutako datuen arabera, uztailetik abuztura prezioak %0,2 igo ziren. Iaz, tarte horretan %0,5 garestitu ziren. Urtea hasi denetik %0,1 egin dute behera.
Oso litekeena da hurrengo hilabeteotan inflazioa gehiago jaistea. Iazko irailean igo zuen Espainiako Gobernuak BEZa, eta horrek inflazioa %2,5etik %3,3ra eraman zuen hilabete bakarrean. Espainiako Gobernuak espero du urtea %1eko inflazioarekin amaitzea.
