Greba egingo dute gaur Iparraldean eta Frantzian

BAIONA. Krisialdiari aurre egiteko Frantziako Gobernua hartzen ari den neurriak salatzeko asmoz, egun osoko greba egingo dute gaur Iparraldean eta Frantzian. Arlo publikoko zein pribatuko langileak daude protestara deituak, eta grebak erantzun handia izango duela espero da. Besteak beste, ikastetxeen %85ek egingo dutela lanuztea adierazi dute sindikatuek.