GREBARA DEITZEKO MEHATXUA

Bizkaian, 30.000 langileri eragiten die eraikuntza sektoreko negoziazio kolektiboak. Horren «blokeoa» salatzeko, elkarretaratzea egin zuten atzo ehun delegatu inguruk Ascobi patronalaren egoitza aurrean. CCOOk, LABek eta UGTk antolatu zuten protesta. Azkenengo bileran jasotako proposamenak -duela bi hilabete inguru egin zuten- «lotsagarriak» izan zirela salatu dute sindikatuek. Hala, eskaintza aldatzen ez badu, grebara deitzea ere ez dute baztertu.