Greziak zorra saldu du, baina garestiago

ATENAS. Greziak hiru hilabeterako letrak saldu zituen atzo lehen mailako zor merkatuan. %4,1eko errentagarritasuna eskaini behar izan zien erosleei, otsaileko %3,85 baino gehiago. 1.250 milioi euro bildu nahi zituen, baina 1.650 saltzea lortu zuen. Diru horrekin apirileko ordainketak egin ahal izango ditu, erreskate planeko dirua erabili gabe.