Greziako Parlamentuak hartzekodun pribatuen zor bonuen trukea burutzeko beharrezkoa den legedia onartu du gaur. Bigarren erreskatearen funtsezko elementuetako bat da hori.
Horrela, hartzekodun pribatuek 107.000 milioi euro barkatuko dizkiote, bankuen eskuetan dagoen Greziaren zor publikoaren %53,5, eta zor bonu berriak emango dizkiete zaharren truke.
Legedia automatikoki onartu da, gobernuak parlamentuan gehiengoa izanda eta inork bozketarik eskatu ez duelako.
