Hego Euskal Herrian 1.764 lagun gehiago daude langabezian

Langabeziak gora egin du berriz ere Hego Euskal Herrian, gaur Espainiako Gobernuko Lan Ministerioak emandako datuen arabera. Hain zuzen, irailaren bukaeran abuztuan baino 1.764 lagun gehiago zeuden langabezian.

Probintzia guztietan igo da enplegu gabe daudenen kopurua, baina proportzionalki Arabak (%2,20) eta Nafarroak (%1,24) izan dute hazkunderik handiena.

Hegoaldean orain 171.923 pertsona daude beharrik gabe.

Datuak

Araba. Irail bukaeran 20.254 langabe (abuztutik +436, iazko irailetik +1.546).

Bizkaia. Irail bukaeran 72.391 langabe (abuztutik +644, iazko irailetik +3.904).

Gipuzkoa. Irail bukaeran 38.904 langabe (abuztutik +176, iazko irailetik +1.795).

Nafarroa. Irail bukaeran 41.374 langabe (abuztutik +508, iazko irailetik +4.021).

Hego Euskal Herria. Irail bukaeran 171.923 langabe (abuztutik +1.764, iazko irailetik +11.176).